Deputatın kürəkəni paytaxtın mərkəzində atışdı - 4 yaralı

İrəvanın mərkəzindəki “Versinaj” yarmarkası qarşısında 5 nəfərin yaralanması ilə nəticələnən atışmanın təfərrüatları bəlli olub. Musavat.com-un erməni mənbəyinə istinadən verdiyi məlumata görə, güllə atan hakim partiyanın deputatı Karo Karapetyanın kürəkəni imiş.

Məlumatlara görə, deputatın kürəkəni öz maşınında yeraltı duracaqdan çıxarkən ona başqa maşın mane olub. Bu zaman mübahisə düşüb və o, odlu silahdan atəş açmağa başlayıb.

Hadisə nəticəsində ərazidən keçən daha 4 nəfər yaralanıb. Hadisə Karapetyanın maşında olan qızının gözü qarşısında baş verib. Cinayətkarın tutulması istiqamətində əməliyyat tədbirləri həyata keçirilir.