Şakira onu çılğıncasına qucaqladı, öpdü

İspaniyanın "Barselona" klubunun ulduzu Herard Pike də "2014 Billboard Music Awards" mükafatının təqdimat mərasiminə qatılıb.
O, qeyri-rəsmi nikahda yaşadığı xanımını, dünyaca məşhur müğənni Şakiranı müşayiət edirdi.

Milli.Az TMZ-yə istinadən bildirir ki, "Barsa"nın müdafiəçisi Las-Veqasdakı şouda xanımı ilə qucaqlaşaraq pozalar verib, sonra isə mərasimdə səhnəyə çıxan Şakiranı dinləyib.

Daha sonra isə onlar gecə klubuna yollanıblar.

İspaniya primerasının ötən turunda Madrid "Atletiko"su ilə qarşılaşmanı 1:1 hesabla başa vurmuş "Barselona" çempionluq şansını itirib.
Bu matçdan sonra "Atletiko" çempion olub.

Herard Pike və Şakira 2010-cu ildə, kolumbiyalı müğənninin "Waka Waka" mahnısının klipinin çəkilişlərində tanış olmuşdular.