Sezen Aksu: "Erməni ilə oxumaq mənə şərəfdir"

Türkiyənin məşhur müğənnilərindən olan Sezen Aksu "Kardeş türkülər" layihəsi çərçivəsində Avropada konsertlər verəcək.

Milli.Az AHT-yə istinadən bildirir ki, səhnədə S.Aksunu erməni Ara Dinkçyan müşayiət edəcək.

Mayın 28-də Almaniyanın Mannheym şəhərində başlanacaq konsert turnesi Bohum, Rotterdam, Ştutqart, Münhen, Hamburq və Berlində davam edəcək.

Erməni mahnıları ilə yanaşı, kürd mahnılarını da ifa edəcək Sezen Aksu deyib: "Ara çox gözəl sənətkardır. Erməni mahnılarını oxumağıma gəldikdə isə - xalq mahnıları xalqın yaddaşıdır. Erməni Ara ilə oxumaq mənə şərəfdir".