Ukraynanın sabiq prezidenti Petro Poroşenko ailəsi ilə birlikdə ölkəni tərk edib.

Cebhe.info xəbər verir ki, sabiq prezidentin ölkədən getməsi barədə xəbəri "Украинская правда" qəzeti öz mənbəyinə istinadən yazıb.

Məlumata görə, onun bəzi qohumları hələ ötən həftə Ukraynadan gedib. Poroşenko özü də daxil olmaqla ailənin digər hissəsi isə iyulun 28-də Ukraynanı tərk edib.

Poroşenkonun özü də ölkədən gedəcəyinə dair xəbəri təsdiqləyib. Məsələ burasındadır ki, o, 26 iyulda mətbuata müsahibə verib və müsahibə 29 iyulda yayımlanıb: 

- Petro Alekseyeviç, siz yaxın zamanda ölkədən getməyə hazırlaşırsız?

- Bəli, hazırlaşıram.

- Qayıdacaqsınız?

- Yox. (gülməyə başlayır) Əslində isə mən bir neçə günlük məzuniyyətə gedirəm.

Əvvəl yayılan məlumatlara görə, Poroşeniko ailəsi ilə İstanbul şəhərinə gedib. Ancaq daha sonra  yerli mətbuat onun Almaniya və ya BƏƏ-nə getdiyini yazıb. 

Bildirilib ki, Poroşenko və oğlu Dubaydadır. Onun oğlu Aleksey 8-ci çağırış parlamentin deputatı olub. 

Alekseyin arvadı Yuliya və qızı Yelizaveta da onların yanındadır. Ailənin digər üzvləri - Poroşenkonun arvadı Marina, qızı Yevgeniya və Aleksandra, oğlu Mixail isə Münhenddir. Onlar hələ 23 iyulda Ukraynanı tərk ediblər. 

Ukrayna Təhlükəsizlik Xidmətinin məlumatına görə, sabiq prezidentin ailəsində Vera Lazareva, İvan Dexterev, Yevgeniya Safonova, Aleksandr Sışikov, Katerina Boeva, Vitali Kokorin, Yelena Sençenko, Olqa Gerasimovanın adına pasport verilib. Görünən odur ki, bütün ailə sənədlə təmin olunub. Son 2 ildə isə Ukrayna lideri rəsmi elan olunmadan Moldova, İspaniya, Norveç və Fransaya gedib. Onun “Mr. Petro Incognito” adına verilən pasportla səfər etdiyi bildirilir.

Onun bu dəfə də ölkədən gedərkən bu addan istifadə edib- etməməsi açıqlanmır. 

Xatırladaq ki, sabiq prezidentə qarşı ölkəsində 10 maddə üzrə cinayət işi açılıb.

Xəzər
Cebhe.info