Los-Ancelesdəki erməni mafiyasının keçmiş lideri ABŞ vergi ödəyicilərini əhatə edən 1 milyard dollardan çox fırıldaqçılıq sxemində iştirakına görə 40 il həbs cəzasına məhkum edilib.

Cebhe.info ABC7 telekanalına istinadən xəbər verir ki, “Lev Dermen” kimi də tanınan Levon Termecyan tarixin ən cəsarətli vergi fırıldaqlarından birində iştirakçı olub. O, Yuta ştatında çoxarvadlı təriqət üzvləri ilə sövdələşmədə iştirakçı olub. Belə ki, poçt fırıldaqçılığı, “çirkli pulların yuyulması” ittihamı ilə yeddi həftəlik məhkəmədən sonra məhkum edilib. Dermen çoxarvadlı Kinqston qəbiləsinin üzvləri ilə birləşərək “Bel Air” milyarderi və yanacaqdoldurma məntəqələrinin sahibinə çevrilib. ABŞ Ədliyyə Departamentinin məlumatına görə, Dermenin 2020-ci il məhkəməsi zamanı əldə edilən sənədlər və ifadələri göstərib ki, o, 2010-cu ildən 2018-ci ilə qədər Kinqston qəbiləsinin müxtəlif üzvləri ilə fırıldaq yolu ilə 1 milyard dollardan çox pul əldə etmək üçün əlbir olub.

Ədliyyə Nazirliyindən verilən açıqlamaya görə, Kinqston ailəsi dələduzluqdan əldə olunan gəliri Dermenlə bölüşdürüb. 46 yaşlı Ceykob Kinqston Dermenə qarşı ifadə verib və andlı iclasçılara deyib ki, onların “yuya” biləcəklərindən daha çox pulları var. Buna görə də onlar “Lamborghini” və “Bugatti” kimi lüks əşyalar, həmçinin Türkiyədə, Yutada şəxsi təyyarələr, yaxtalar və malikanələr almağa başlayıblar. Prokurorlar Dermenin keçmiş Daxili Təhlükəsizlik Departamentinin agenti Feliks Cisneros, “Glendale”-nin keçmiş detektivi Con Balian və keçmiş FTB agenti Babak Brumand da daxil olmaqla korrupsiyaya uğramış hüquq-mühafizə orqanlarından ibarət bir qrup işə götürdüyünü bildirib.

Həbs cəzasına əlavə olaraq, Dermen 442 615 520 dollar təzminat ödəməli və 181 milyon dollardan çox pul cəriməsi verməlidir. “Washakie”-nin ortağı və baş direktoru olan Ceykob Kinqston də 511 milyon dollar təzminat ödəməli oldu. O, həmçinin 18 il müddətinə azadlıqdan məhrum edilib.

Xəzər