Jurnalist Xədicə İsmayılın ölkədən çıxışına qadağa qoyulub

Jurnalist Xədicə İsmayılın ölkədən çıxışına qadağa qoyulub
Jurnalist Xədicə İsmayılın ölkədən çıxışına qadağa qoyulub.

Bu barədə AzadlıqRadiosuna jurnalistin özü məlumat verib.

Onun bildirdiyinə görə, o, oktyabrın 12-də “Forum 2000” konfransında iştirak üçün Praqaya yola düşəcəkmiş: “Sərhəddə pasportumu təqdim etdim. Mənə bildirdilər ki, Baş Prokurorluq ölkədən çıxışıma qadağa qoyub”.

Xədicə İsmayıl qadağanın səbəbindən xəbərsiz olduğunu dedi:

“Mən bilmirəm ki, prokuroluğun mənimlə nə işi ola bilər. Səhər Baş Prokurorluğa məktub yazacam, səbəbini öyrənməyə çalışacam. Görək, bizi hansı sürprizlər gözləyir”.

"Forum 2000" konfransı 1997-ci ildən bəri hər ilin sentyabr və ya oktyabr aylarında Çexiyanın paytaxtı Praqada keçirilir.