Odessada həbslər başlandı

Odessanın hüquq mühafizə orqanları 2 mayda şəhərin mərkəzində vahid Ukrayna tərəfdarları ilə əleyhdarları arasındakı toqquşmanın 130-dan çox iştirakçısını saxlayıb.
Bu barədə vilayətin milis idarəsi bildirib.

Hüquq mühafizə orqanları "Kütləvi iğtişaşlar", "Qəsdən adam öldürmə", "Hüquq-mühafizə orqanlarına qarşı təhdid və zorakılıq", "Dələduzluq", "Dövlət və ictimai binaların zəbt edilməsi", "Mülkiyyətin qəsdən məhv edilməsi və zay edilməsi" maddələri ilə 10 cinayət işi açıblar.

Hazırda saxlanılanların dindirilməsi gedir. Məlumatda qeyd edilir: "Milis günahkarların məsuliyyətə cəlb edilməsi üçün ondan asılı olan və olmayanları edəcək."

Odessada dünən baş verən qarşıdurmada 43 nəfər həyatını itirib, 22 milislə birlikdə 200 nəfər xəsarət alıb. Faciəvi hadisələrlə bağlı şəhərdə üçgünlük matəm elan edilib.
[media=http://www.youtube.com/watch?v=cGOdmdYVwt8]