Ukraynadakı vəziyyət: Pan Gi Mun işə qarışdı

BMT-nin baş katibi Pan Gi Mun Ukraynanın cənub və şərq vilayətlərində vəziyyətin gərginləşməsi ilə əlaqədar dərin narahatlığını bildirib
APA-nın BMT mətbuat xidmətinə istinadən xəbərinə görə, baş katib bütün tərəfləri maksimum təmkin nümayiş etdirməyə və qan tökülməsindən yayınmaq üçün istənilən tələbi sülh yolu ilə çatdırmağa, eyni zamanda Ukraynanın ərazi bütövlüyünə hörmət etməyə səsləyib.Pan Gi Mun BMT-nin Ukrayna böhranının həllində vasitəçilik etməyə hazır olduğunu bildirib: “Slavyansk şəhərində ölənlərin olması haqqında daxil olan məlumatlar situasiyanın nə qədər təhlükəli olduğunu göstərir. Böhrandan yeganə çıxış yolu diplomatik vasitələrdir”.