Ata küçədə oynayan uşağın başını nə üçün kəsdi?

Sizinyol” CNN-ə istinadən xəbər verir ki, Nepalda dəhşətli qətlin məlum olmayan təfərrüatları üzə çıxıb. Polis itdiyi barədə məlumat verilən 10 yaşlı uşağı arayarkən başı bədənindən tamami ilə ayrılmış bir uşaq meyidinə rast gəlib. Araşdırmalardan sonra məlum olub ki, Kudya kəndi sakini məbədə gedərək kahinə övladının xəstə olduğunu bildirib. Kahin isə deyib ki, uşağın şəfa tapması üçün bir insan qurban kəsilməlidir. Bundan sonra ata küçədə dostları ilə oynayan 10 yaşlı uşağa yaxınlaşıb və ona bir qutu biskvit verib və deyib ki, mənimlə məbədə gəlsən sənə pul da verəcəyəm. Daha sonra uşaq məbədə aparılıb və bir sıra “dini” mərasimlərdən sonra məbədin yaxınlığındakı məntəqəyə üz tutublar. İki üç nəfər uşağın əl-ayağını tutub və onun başı kəsilib.
Xatırladaq ki, əksəri hindu olan Nepalda insanlar kahinlərin şəfa vermək gücünə malik olduğuna inanır. Onlar 5 ildə bir dəfə xüsusi festival çərçivəsində minlərlə heyvanı vəhşicəsinə qətlə yetirir və inanırlar ki, bu qətliam bəlaları onlardan uzaq saxlayacaq. /Sizinyol.com/