İŞİD-dən növbəti tükürpədici fətva (fotofakt)

Sizinyol.com xarici KİV-ə istinadən xəbər verir ki, İŞİD terrorçuları məhbuslar edam edildikdən sonra onların bədən üzvlərini oğurlamaq üçün həkimləri işə götürüb.

ABŞ-ın Harvard universiteti bildirib ki, İŞİD terrorçuları həkimləri məcbur edir ki, məhbusların bədən üzvlərini edam edildikdən sonra bədənlərindən ayırsınlar.

Universitetə məxsus “Harvard International Review” saytı bildirib ki, İraq xalqının müxtəlif bədən üzvləri oğurlanmaq təhlükəsiylə üz-üzədir.

Bu xəbər əsasında BMT-nin İraq üzrə sabiq nümayəndəsi insan bədən üzvlərinin oğurlanması barəsində yayılan xəbərlər haqqında təhqiqatların aparıldığını demişdi. Deyilənlər onu göstərir ki, İŞİD həqiqətən də bədən üzvlərindən istifadə edir.

Harvard universiteti həmçinin bildirib ki, insana aid bədən üzvlərinin alınıb-satılmasıyla məşğul olan cinayətkar bandalar beynəlxalq şəbəkələr tərəfindən idarə edilir. Onlardan bəzisi bir çox dövlətlərlə və xəstəxanaların bəzi müdir və məsul şəxsləri ilə əlaqədə olan cərrahlardır.

Mənbə məlumat verir ki, bu cinayətin qurbanı olanlardan bəzisi mühacirlər, qanunsuz çalışan işçilər, zehni inkişafdan geri qalanlar və fəqir insanlardır.

Harvard universiteti təkidlə bildirir ki, İŞİD-in “twitter” vasitəsiylə yaydığı 68 nömrəli fətvada terrorçu qruplaşmanın üzvlərinə “kafir düşmən” adlandırdıqları insanların bədən üzvlərini ələ keçirmələri tapşırılıb. Hətta bədəndən ayrılması insan ölümü ilə nəticələnən bədən üzvlərinin götürülməsinin icazəli olduğu da bildirilib.

Ən dəhşətlisi isə odur ki, Harvard universiteti bildirib ki, İŞİD-in fətvasına görə bədən üzvlərinin oğurlanması, hətta xüsusən də döyüş zamanı insan ətinin yeyilməsi icazəlidir.

ISID-den novbeti tukurpedici addim

Başqa bir mənbənin məlumatına görə İraqın BMT-dəki səfiri Məhəmməd Həkim bundan öncə Mosulda İŞİD terrorçularının əliylə öldürülən 12 həkimin qətlinin səbəblərini araşdırarkən bildirmişdi ki, bu həkimlər İŞİD əsirlərinin bədən üzvlərinin götürülməsi qərarıyla razılaşmamışdılar. O, həmçinin tapılan cəsədlərin barəsində xəbər verərkən onların bədən üzvlərinin oğurlandığını deyib.

Hazırladı: Həmzə