İdmançımız erməni zabitini belə nokauta saldı (Video izlə)

Gürcüstanın Batumi şəhərində keçirilən kunq-fu sanda üzrə beynəlxalq turnir bir döyüşlə diqqət çəkib. 6 ölkənin təmsil olunduğu yarışın 80 kq çəki dərəcəsinin finalında Azərbaycan idmançısı erməni rəqibini nokauta salıb.

“Qara dəniz ölkələrinin kuboku” adlanan kunfu-sanda üzrə beynəlxalq turnir Azərbaycan da, daxil olmaqla 6 ölkənin komandasının bir araya gətirib. Həmyerlilərimiz 200-ə yaxın idmançı arasından seçilib fəxri kürsüyə qalxmağa çalışıblar. Onlardan biri də Babək Əliyevdir.

Yarışda hadisələr həmyerlilərimizin planlaşdırdığı kimi cərəyan edib. Babək finalda erməni ordusunun zabiti Razmik Hopsepyanla qarşılaşıb. İşğal altındakı Kəlbəcərdə doğulan idmançı qisas hissinin də, verdiyi təkanla Hopsepyanı nokaut edib.

Əliyevin qələbəsi gürcü həmkarlarımızın da diqqətini çəkib. İdmançımız onların da nəzərinə qarabağlı olduğunu, qalibiyyətinin şəhidlərimizə həsr olunduğunu və ən böyük qələbənin tezliklə Qarabağda yaşanacağını çatdırıb.
/Xezerxeber/