Əhali dollar əskinazlarının üzərindəki şəxsiyyətləri tanıyırmı? - VİDEOSORĞU

Hazırda dünyanın ən güclü valyutası ABŞ dolları hesab olunur. Xüsusən də, hazırki iqtisadi böhran vəziyyətində əksər ölkələrin milli valyutalarının dəyərdən düşməsi dolların daha da möhkəmlənməsinə səbəb olub.

Dünyanın əksər ölkələrində yatırım üçün ən etibarlı valyuta məhz dollar hesab olunur. Elə ölkəmizdə də, uzun müddət sabitliyini qoruyub, saxlayan manatın devalvasiyaya getməsi insanların milli valyutaya olan inamını azaltdı.

Nəticədə ölkədə dollarlaşma prosesi sürətləndi.

Hazırda əlində müəyyən qədər maliyyə vəsaiti olan hər kəs pulunu dollarla saxlamağa üstünlük verir.

Bəs, görəsən insanlar istifadə etdikləri dollar əskinaslarını nə dərəcədə tanıyırlar? Dollar əskinaslarının üzərindəki şəxsiyyətlərin kimliyindən xəbərdardırlarmı?

Bu suallara cavab tapmaq üçün musavat.com-un əməkdaşı şəhər sakinləri arasında sorğu keçirib.

Sakinlərin sualımıza reaksiyaları maraqlı olub. 100 dollarlıq əskinasın üzərindəki Benjamin Franklini Azərbaycanın xalq artısti Niyaməddin Musayevə bənzədənlər də olub.

Daha maraqlı cavabları aşağıda təqdim etdiyimiz videodan izləyə bilərsiniz.

Məğrur Salmanov,
Musavat.com