Azərbaycanlı Rusiyada iki nəfəri güllələdi

Rusiyada azərbaycanlının iştirakı ilə insident baş verib. Sankt Peterburq şəhərində, Kirovsk rayonunda, Veteranlar prospektində atışma qeydə alınıb. Tərəflər silahla yol nəqliyyat hadisəsi zamanı yaranan konfilikti aydınlaşdırmağa çalışıblar.

Belə ki, ötən gün axşam saat 23:00-da Dağıstan vətəndaşı ilə Azərbaycan vətəndaşı arasında yol vermək üstündə mübahisə düşüb. Bundan sonra dağıstanlı travmatik silah ilə qarşısındakına atəş açıb.

Lakin qarşı tərəf də odlu silah çıxararaq atəş açıb. Nəticədə mübahisənin qarşı tərəfi və konfiliktə qarışan marşurut sürücüsü yaralanıb. Atəş açan şəxs hadisə yerindən yayına bilib.