"Barselona"nın baş məşqçisi istefa verdi

"Barselona"nın baş məşqçisi Xerardo Martino "Atletiko" (Madrid) ilə oyundan sonra istefa verib.

Argentinalı mütəxəssis komandasının mövsümü uğursuz başa vurduğu üçün bu addımı atdığını açıqlayıb.
Xatırladaq ki, Kataloniya klubu "Atletiko" ilə oyunda qalib gələcəyi təqdirdə çempion olacaqdı. Lakin görüş 1:1 hesablı bərabərliklə bitdiyindən Madrid təmsilçisi qızıl medallara sahib olub. "Barselona" isə gümüş medalla kifayətlənib.
Martino ötən mövsümün əvvəlində "Barselona"ya baş məşqçi təyin olunmuşdu. Onu komandanın sabiq futbolçusu Luis Enirikenin əvəzləyəcəyi gözlənilir.