Zidan: "Ronaldo dahidir"

"Real" (Madrid) klubunda köməkçi məşqçi işləyən Zinəddin Zidan komandanın hücumçusu Kriştiano Ronaldo haqda danışıb.
"The Times" qəzetinə açıqlama verən veteran futbolçu portuqaliyalı oyunçu haqda xoş sözlər deyib:
"Hər gün Ronaldonun məşqini izləyirəm, Onun istedadı insanı valeh edir. Əminliklə onu dahi adlandırardım".
Fransız canlı əfsanə Messi və Ronaldonu müqayisə etmək istəməyib: "Real"ı təmsil etdiyim üçün bu haqda fikir bildirməyim düzgün olmaz. Messi də xüsusi bir istedada malikdir. Hərəsinin özünəməxsus üstün cəhətləri var. Futbolu sevən bir insan kimi hər ikisinin oyunundan zövq alıram".