Günel: “Özümü toy biznesində görmürəm”

Aparıcı Günel Hümbətovanın TMB RU kanalında yayımlanması nəzərdə tutulan “Şərqin hiti” verilişi təxirə salınıb.
anaxeber.info-ın məlumatına görə, aparıcı, layihəni payızda reallaşdıracağını bildirib:“Hazırlıqlar uzun çəkir. Düşündüm ki, artıq mövsüm başa çatır. Ən yaxşısı verilişi yeni mövsümdə yayımlamaqdır”.Bir müddət müğənni kimi fəaliyyət göstərmiş Günel şou-biznesdən uzaqlaşmağının səbəbini açıqlayıb:“Müğənnilik bir həvəs idi. Sonradan gördüm ki, oxumaq mənlik deyil. Aparıcılıq mənə daha yaxın peşədir. İndi müğənnilərin işi toylardan pul qazanmaqdır. Özümü toyxanalarda görmək istəmirəm. Hətta məni toya aparıcı kimi çağıranda da imtina edirəm. Dövlət tədbirlərində, bəzi məclislərdə aparıcılıq etsəm də, toya getmirəm”.