Futbol eşqi 250 km yol qət etdirdi

Braziliyada keçirilən futbol üzrə dünya çempionatında öz ölkəsini təmsil edən komandaya dəstək olmaq istəyən bir qrup kolumbiyalı futbol azarkeşi Braziliyaya qeyri-ənənəvi yolla gəlib. Belə ki, 13 nəfərdən ibarət bir qrup Kolumbiyadan Braziliyanın Juiz de Fora şəhərinə velosipedlə çatıb. 250 kilometrə yaxın məsafə qət edən futbol-sevərlər buradan Belu-Orizonti ştatına gedərək, bu gün Yunanıstanla keçiriləcək matçda Kolumbiyaya azarkeşlik edəcəklər.

"Biz mayın 23-dən yoldayıq. Şimaldan cənuba kimi bütün Kolumbiyadan, sonra isə Ekvador, Peru, Boliviya və Braziliyanın bir hissəsindən keçmişik. Kolumbiya komandasına dəstək olmaq üçün yola çıxmışıq və ümid edirik ki, onlar bu çempionatın yarımfinalına çıxacaqlar?", - deyə Heriberto Quzman adlı velosipedçi bildirib.

Kolumbiyadan Braziliyaya velosipedlə gələn azarkeşləri onların ailə üzvlərinin və dostlarının olduğu iki avtomobil də müşayiət edib.