Kolumbiya qalibdir, Uruqvay İngiltərəni məğlub etdi, qırmızı kart yunanları çətinə saldı

Futbol üzrə Braziliyada keçirilən dünya çempionatı davam edir. Milli.Az apasport.az-a istinadən bildirir ki, iyunun 20-də C qrupunun 1, D qrupunun isə 2 oyunu keçiriləcək.

Əvvəlcə hamının maraqla gözlədiyi Uruqvay – İngiltərə oyunu ilə yeni günə start verilib. Nə qədər qəribə səslənsə də, 2 dəfə dünya çempionu olmuş Cənubi Amerika təmsilçisi ilə 1 qat mundial qalibi olan Avropa yığması qrupun ilk oyununda yenilgi ilə üzləşib. Bunlardan Uruqvayın Kosta-Rikaya gözlənilməz məğlubiyyəti “La selesta”nın işini daha da çətinə salıb. Çünki Oskar Tabaresin yetirmələri DÇ-yə erkən vida etməmək üçün mütləq qələbə qazanmalıydılar. Eyni sözlər İngiltərə millisinə də şamildir. Tərəflərin əvvəlki 10 görüşündə Uruqvay 4, İngiltərə isə 3 dəfə qələbə qazanıb. 3 görüşdə isə heç-heçə qeydə alınıb. Top fərqində də Latın Amerikası yığması öndədir – 13:10. Bu dəfə də Uruqvay millisi daha üstün olub. Suaresin 2 qoluna ingilislər Runinin 1 qolu ilə cavab verə biliblər.

C qrupunun ikinci turunda da məğlublar üz-üzə gəliblər - Yaponiya Yunanıstanla görüşüb. Kolumbiya ilə görüşdə 0:3 hesabı ilə məğlub olsalar da, zəif təsir bağışlamayan yunanların asiyalılara qalib gələcəyi gözlənilirdi. Ancaq yunanların kapitanının qırmızı vərəqə alaraq oyunu tərk etməsi bütün planların üstündən xətt çəkib. Oyun 0:0 hesabı ilə başa çatıb.

D qrupunun ikinci oyunu isə qaliblərin qarşılaşması olacaq. İtaliya ilə Kosta-Rikanın görüşündə qələbə qazanan tərəf 1/8 finala erkən vəsiqə qazanacaq. Tərəflər cəmi 1 dəfə qarşılaşıb ki, bunda da italyanlar 1:0 hesabı ilə Şimali Amerika təmsilçisinə qalib gəlib.

20 iyun
D qrupu

Uruqvay - İngiltərə - 2:1
Qollar: Suares, 39; 85 - Runi, 75

Hakim: Karlos Velasko Karbalyo (İspaniya)
San-Paulo. “Arena Korintians”

Uruqvay: Muslera, Qodin, Pereyra, Rodriqes, Suares, Himenes, Lodeyro, Rios, Qonsales, Kavani, Kakeras

İngiltərə: Hart, Conson, Beyns, Cerard, Keyxel, Jagielka, Starric, Runi, Uilbek, Anderson, Sterlinq

C qrupu

Yaponiya – Yunanıstan - 0:0
Qırmızı vərəqə: Katsouranis, 38

Hakim: Xoel Aqilar (Salvador)
Natal. “Arena das Dunas”

Yaponiya: Kavaşima, Uchida, Honda, Nagatomo, Okazaki, Okubo, Konno, Yamaguchi, Hasebe, Osako, Yoşida

Yunanıstan: Karnezis, Maniatis, Manolas, Samaras, Kone, Mitroglou, Torosidis, Fetfazidis, Sokratis, Cholevas, Katsouranis

D qrupu

21:00 İtaliya – Kosta-Rika
Hakim: Enrike Osses (Çili)
Resifi. “Arena Pernambuko”

Kolumbiya - Kot-dİvuar - 2:1

Qollar: James, 64; Quintero, 70 - Jervinyo, 73
Hakim: Hovard Uebb (İngiltərə)
Braziliya. “Nasional” stadionu
Kolumbiya: Ospina, Zapata, Yepes, Sançes, Armero, Aguilar, Teo, James, Guadrado, İbarbo, Zuniga
Kot-d’İvuar: Copa, Boka, Zokora, Tiote, Jervinyo, Vilfred, Gradel, Aurier, Yaya, Die, Bamba