Ronaldu "Bavariya"ya qarşı oynayacaq?

Çempionlar Liqasının yarımfinalında "Bavariya"nı evində qəbul edən "Real Madrid"in heyətində portuqaliyalı ulduz Kriştianu Ronaldunun oynayıb-oynamayacağı hələ bəlli deyil. Aprelin 2-də "Borussiya" (Dortmund) ilə oyunda zədə alan Ronaldu bu həftənin əvvəlində komanda ilə birlikdə məşqlərə başlamışdı. "Real"ın baş məşqçisi Karlo Ançelotti mətbuat konfransında bununla bağlı açıqlama verdi: "Oyundan əvvəl son dəfə yoxlanışdan keçəcək. Əgər hər hansı bir risk varsa, Kriştianu oynamayacaq". Qeyd edək ki, "Real"-"Bavariya" oyunu bu axşam Bakı vaxtı ilə saat 23:45-də başlanacaq.