İsa Qəmbər və Rəsul Quliyevlə yola getmədi: yeni partiya yaratdı

Azərbaycanda yeni siyasi partiya yaradılıb.

Bu gün VHP-nin qərargahındakı akt zalında uzun illər Müsavat partiyasının rəhbərliyində, daha sonra isə sabiq spiker Rəsul Quliyevin təşkilatında yer alan Sülhəddin Əkbər yenidən təşkilatlanma prosesini qurultay səviyyəsində davam etdirir. İndi onun təşkilatı Azad Demokratlar Partiyası adlanır. Təşkilatda bir zamanlar Müsavat Partiyasından gedən bir neçə şəxs də təmsil olunur.

İlk prosedur olaraq 198 nəfər qurultay üzvü qeydiyyatdan keçib.Təsis qurultayı Azərbaycan himninin oxunması ilə başlayıb. Daha sonra say, mandat komissiyasının üzvləri seçilib. İlk olaraq çıxış uçun söz Azad Demokratlar Partiyasının Təşkilat Komitəsinin sədri Sülhəddin Əkbərə verilib.

O, partiyanın nizamnaməsini, görülən işləri, gələcəyə dair planları qurultay iştirakçılarının diqqətinə çatdırıb. Ardınca Tapdıq Abbas çıxış edib.

Qurultayda səslənən məlumatlar əsasında yazırıq ki, partiya 2012 ci ilin dekabrında yaradılıb. 51 rayonda bölmələrinin olması iddia edilir (musavat.com).