Cəlilabad sakinləri: “Heydər Əliyev Fondunun göndərdiyi yardımları məmurlar öz aralarında bölüşdürürlər”

Cəlilabad sakinləri: “Heydər Əliyev Fondunun göndərdiyi yardımları məmurlar öz aralarında bölüşdürürlər”

12-05-2020, 17:37

“Cəlilabad rayonunda yardım almaq üçün kasıb yox, ya YAP üzvü olmalısan, ya arxan hansısa məmura bağlı olmalıdır, ya da hakimiyyətə, məmura qarşı hədsiz yaltaq olmalısan. Karantin başlanandan yardımlar belələrinə paylanılır, kasıb, məzlum kənarda qalır”.
Cəlilabad sakinləri iddia edirlər ki, Heydər Əliyev Fondu tərəfindən rayona və kəndlərə göndərilən ərzaq yardımları vəzifəli şəxslərin yaxınlarına paylanılır. Rayon sakini Saməddin Məmmədov Meydan TV-yə danışır ki, onun qızı 3 uşağı təkbaşına və çətinliklər içərisində saxlayır. Ancaq bu ailəyə yardım bağlamalarından pay düşməyib.
“3 uşaqlı tək anaya nə ərzaq verilir, nə də 190 manat...”
“Ehtiyaclı ailələr adına göndərilən yardımlar imkanı olan şəxslər arasında bölüşdürülür. Buna görə Şiləvəngə kənd icra nümayəndəsi də işdən çıxarıldı, cinayət məsuliyyətinə cəlb olundu, hətta 1-2 gün polisdə də saxlanıldı. Ancaq nə faydası? Digər icra nümayəndələri yenə öz işindədir. Sadəcə, 1-2 nəfəri tutmaqla xalqın gözünə kül üfürürlər. Yaxın kəndlərdə tanıdığım ailələr var, acından ölür, ancaq qapıları yardım qutusu paylayanlar tərəfindən bircə dəfə də döyülməyib. Şəxsən mənim kürəkənim həbsdədir, qızım 3 azyaşlı övladını tək saxlayır, uşaqlardan biri serebral iflicdən əziyyət çəkir, qızım işləmir və o ərzağa da, o 190 manata da çox ehtiyacı vardı, heç birini vermədilər. Sadəcə əhalidə o qədər polis xofu yaradıblar ki, adamlar səslərini çıxarıb deyə bilmirlər ki, bu qutu niyə kasıbın yox, imkanlının qapısına getdi...”, - Saməddin Məmmədov deyir.
“Kazımabadda da yardımlar mənimsənilir”
Rayonun Kazımabad kənd sakini Anar Ağayev deyir ki, bu kənddə də eyni durumdur:
“Heydər Əliyev Fondu tərəfindən göndərilən yardım bağlamaları gecələr vəzifəli şəxslərin qohum-əqrəbalarının evinə ötürülür. Kəndə yolunuz düşsə, burda hamının ürəyi doludur, baş verənləri sakinlər sizə yerli-yerində danışar. İşləməyən, heç bir gəliri olmayan aztəminatlı ailələr kənarda qalıb, altında 40-50 min manatlıq maşını olanlar evlərinə ərzaq bağlamaları daşıyır”.
Cəlilabad Rayon İcra Hakimiyyətindən isə Meydan TV-yə bildirilib ki, deyilənlər əsassızdır:
“Həm Heydər Əliyev Fondu, həm də icra hakimiyyəti xüsusi karantin rejiminin tətbiq olunduğu dövrdə rayonda diqqət və qayğıya ehtiyacı olan aztəminatlı ailələrə maddi və mənəvi dəstək göstərilməsi istiqamətində sosial aksiya keçirir. Bir neçə gün əvvəl isə Göytəpədə və Privolnoye kəndində yaşayan rus xalqının nümayəndələri də daxil olmaqla 250 ailə ziyarət edildi, onlara ərzaq məhsullarından ibarət sovqatlar paylandı. Bu aksiyalar karantin rejimi bitənədək davam edəcək”.
Onu da bildirdilər ki, mayın 4-də Cəlilabad Rayon İcra Hakimiyyətinin başçısı Namiq Zeynalov inzibati ərazi dairələri üzrə nümayəndələrin iştirakı ilə videoformatda müşavirə keçirib. O, icra nümayəndələrinə aztəminatlı ailələrə ərzaq bağlamalarının paylanılmasında diqqətli olmaq, şəffaflığı qorunmaqla bağlı xəbərdarlıq edib.
Karantin dövründə Heydər Əliyev Fondu tərəfindən bölgələrdəki aztəminatlı ailələrə göndərilən ərzaq yardımlarının yaxın qohumlara paylanması ilə bağlı bir neçə gün əvvəl Cəlilabadın Şiləvəngə kənd icra nümayəndəsi Bağır Şirəliyev, Zərdabın Məmmədqasımlı kənd icra nümayəndəsinin müavini Mətaf Mikayılov tutduqları vəzifələrindən azad edilib. Hər ikisi barəsində yaşadıqları ərazi üzrə prokurorluqlarda cinayət işi başlanıb. Baş Prokurorluğun mətbuat xidməti bununla bağlı mayın əvvəlində yaydığı məlumatda qeyd edib ki, hazırda həmin işlər üzrə təqsirli şəxslərin dairəsinin müəyyənləşdirilərək məsuliyyətə cəlb edilmələri istiqamətində istintaq-əməliyyat tədbirləri davam etdirilir.
Baş Prokurorluq bu qəbildən olan qanunazidd hallarla üzləşən vətəndaşlara müraciət edərək “961” nömrəli “Çağrı Mərkəzi”nə məlumat vermələrini xahiş edib.

Digər xəbərlər

Cəlilabad sakinləri: “Heydər Əliyev Fondunun göndərdiyi yardımları məmurlar öz aralarında bölüşdürürlər”

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“

Ukrayna ilk dəfə Rusiyanı uzaqmənzilli raketlərlə vurub

Aqil Abbasın oğlu rəis vəzifəsindən azad edildi

VUR Moskvanı!!! Qoca Bayden bir gecədə niyə fikrini dəyişdi və Trampı bir günə müharibəni dayandırmağa qoymadı? - Gizlinlər..

ABŞ-ın ATACMS raketlərinə dair siyasət dəyişikliyi Ukrayna münaqişəsində yeni mərhələ işarə edir

7 məmur, iki sahibkarın istintaqı başa çatdı —2 milyona yaxın pul büdcədən yayındırılıb

Müştərilər ən çox bu banklardan şikayət edirlər – Siyahı

Ərazi Tikinti Planlaşdırma Mərkəzinin tender maxinasiyalarının baş “qəhrəmanı”: “Dollar Cavid”

“Turan Bank” vətəndaşın başına oyun açıb

Orduda 143 milyonluq yeyinti ilə bağlı cinayət işi: generalın istintaqı yekunlaşdı

' Dövlətin dərmanları qara yollarla apteklərə verilir'

Qazaxda icra başçısını tənqid edən bələdiyyə sədrinin müavini psixiatriya xəstəxanasına salınıb

Gömrükdəki İDXAL MONOPOLİYASI... - BELƏ DAVAM EDƏRSƏ...

Bakıda klinikada qəssabxana açıldı — AQTA işə qarışdı

“Şaurma N 1″ restoranının şəriki Aqil Babayevin işində DTX araşdırması!

LAVROV TRAMPIN PLANINA “YOX” DEDİ - “Bu, Minsk razılaşmasından da pis olacaq”

Suraxanı məmurları Adil Əliyevin adını şəhid ailəsinin torpağını dağıtmaqda hallandırır

"Kərə yağını 14-15 manat olanda birtəhər alıb yeyirdik. Amma indi bu qiymətə ancaq marqarin var."