“İcra nümayəndəsi yoldaşıma deyib ki, dilənçi kimi yardım istəyirsiz”

“İcra nümayəndəsi yoldaşıma deyib ki, dilənçi kimi yardım istəyirsiz”

26-08-2020, 20:41

Göyçay sakini: “Bələdiyyə deyir, get icraya yalvar, icra deyir, bələdiyyəyə”
“Yağış yağan kimi atam, anam bir qonşunun, uşaqlar ikinci qonşunun, yoldaşımla mən də üçüncü qonşunun evinə sığınırıq. Yenə soyuqlar gəlir, yağışlar başlayır, bu, o deməkdir ki, bizim də qara günlərimiz başlayır”.
Göyçayın Çərəkə kənd sakini Əli Əhmədov 4 uşaq atasıdır. Meydan TV-yə danışır ki, 1958-ci ildə çiy kərpicdən tikilmiş ev hazırda başlarına uçur. Ancaq təmir-bərpa etmək imkanı yoxdur. Əvvəllər zibildaşıyan maşında işləyən Əli Əhmədov indi müzdlü fəhləliklə məşğuldur. Deyir, 1 gün iş olanda, 10 gün olmur.
“Qalmışıq çörəksiz, susuz...”
“Onun-bunun qapısında fəhləlik edirəm. Əvvəllər zibilyığan idim, maaşım çox az idi, gecələri səhərədək zibil maşını ilə Göyçayın içində zibil yığmaqla məşğul olurdum, ancaq maaşım çox az idi. Ona görə də işdən çıxmalı, qapılarda fəhləlik etməli oldum. İndi qapısında fəhlə işlədən də yoxdur. Hamı öz işini özü görməyə çalışır. Çünki vaxtilə maddi imkanı normal olan insanlar da karantin başlayandan müflisləşib. Dövlət idarələrinə gedirəm, xəstəliyimi bəhanə edib qapıdan geri qaytarırlar, deyirəm, bəs bu dörd uşağı necə böyüdüm? Qalmışıq çörəksiz, susuz... 4 uşağın qarnını necə doydurum, əynini necə geyindirim, bilmirəm. 3 oğlan, 1 qız ağzını açıb, üzümə baxır, çörək, su istəyir”, - Əli Əhmədov deyir.
“Müavin dedi, yazıqdı bu uşaqlar, küçələrə salma...”
Yaşadıqları evin uçmaq təhlükəsi var. Əli Əhmədov deyir, ev dağılsa, dörd uşaq, iki ahıl yaşlı valideyni dağıntı altında qalacaq:
“Bir-iki dəfə möhkəm yağış töksə, evin damı yatacaq yerə... Qonşulara “gələk sizdə gecələyək” deməkdən də üzümüzün suyu gedib. İcra hakimiyyəti deyir, biz ev tikmirik. Uşaqları da yığıb aparmışdım, başçının müavini dedi, yazıqdı bu uşaqlar, niyə salmısan küçələrə. Dedim, onsuz da küçələrdə qalır bu uşaqlar, evə girsələr, dam başlarına yatsa, tikələri də ələ gəlməyəcək. Müavin dedi, məni də başa düş, mən cibimdən ev tikən deyiləm axı. Get bələdiyyəyə, yalvar, bəlkə onlar kömək edər. Bələdiyyəyə də getdim, bələdiyyə sədri dedi, bizdə inşaat materialı yoxdur ki, sənə kömək edək, evini təmir, bərpa edəsən. Get, icra hakimiyyətinə yalvar, bəlkə ordan kömək edərlər. Beləcə, qalmışam bələdiyyəylə icra hakimiyyətinin arasında... Dövlət vətəndaşın mənzil şəraitini yaxşılaşdırmır, çadır qurub yaşamasına imkan vermir ki, inkişaf etmiş ölkəyik, bizdə çadırda yaşamaq olmaz. Bəs bu dövlət mənim vəziyyətimdə olan vətəndaşı haqqında nə düşünür?”

Evin vəziyyəti
Mənbə: Meydan Tv

“Dedi, nə var başçıdan dilənçi kimi ərzaq istəyirsiz?”
Əli Əhmədov deyir, Göyçaydakı ehtiyaclı ailələr üçün karantin günlərində yardımlar ayrılsa da, yerli icra hakimiyyətinə etdiyi müraciətlərə baxmayaraq, onun ailəsinə ərzaq yardımı edilməyib. Bir dəfə icra nümayəndəsi yardım gətirib, o, yardımı geri qaytarıb. Səbəbindən danışır:
“Karantin vaxtı bizə bircə dəfə yardım gətirildi, onu da ətraflı danışım sizə, görün, siz o yardımı qəbul edərdizmi? Deməli, neçə gün idi ki, uşaqların dilinə yavan çörək də dəymirdi. Mən də icra hakimiyyətinə müraciət edirdim ki, karantinlə əlaqədar ehtiyaclı ailələrə ayrılan yardımlardan bizə də verilsin. Nəhayət ki, dəfələrlə müraciətlərimdən sonra bir gün icra nümayəndəmiz bizə yardım gətirirmiş, yolda həyat yoldaşımla rastlaşıb. Maşını saxlayıb, yoldaşımın üstünə acıqlanıb ki, “nə var dilənçi kimi başçıdan yardım istəyirsiz? O da məni yükləyir, deyir, apar ailənin ağzına bir az çörək at, şikayətlənməsin. Mən də məcburam ki, öz cibimdən alıb gətirim. Mən sizin qarnınızı doyduranam?” Həyat yoldaşım qaça-qaça evə gəldi, ağladı, dedi, icra nümayəndəsi məni hamının içində aşağıladı, ağzından çıxanı dedi, onun gətirəcəyi ərzaq bizə lazım deyil. Bir azdan icra nümayəndəsi gəldi, maşını qapımızda saxladı, maşının arxasındakı baqajı açdı, baqajdakı ərzaqları çəkə-çəkə başladı kameraya danışmağa ki, bəs, sağ olsun prezidentimiz, sağ olsun icra başçımız, ehtiyaclı ailələri karantin günündə ərzaqsız, yardımsız qoymur. Mən də dedim, mənə belə yardım lazım deyil, min maşına, sür get. İcra nümayəndəsi gedib başçıya deyib ki, o ailə qudurub, yardımı qəbul eləmədi”.
“Ümidim prezidentədir”
Əli Əhmədov deyir, rayondakı məmurlara müraciət etməkdən keçib, ümidi yalnız ölkənin başçısına qalıb. O, Prezidentdən mənzil şəraitinin yaxşılaşdırılması, işlə təmin olunması üçün aidiyyəti qurumlara göstəriş verməsini istəyir.
Göyçay Rayon İcra Hakimiyyətindən Meydan TV-yə bildirilib ki, Əli Əhmədovun mənzil şəraitinin yaxşılaşdırılmasına kömək etmək qurumun imkanları xaricindədir. Buna görə büdcə nəzərdə tutulmayıb. Ev qəzalı vəziyyətə düşübsə, vətəndaş rayonun Fövqəladə Hallar Komissiyasına ərizəylə müracidət etməlidir. Komissiya mənzilə baxış keçirməli, müvafiq qərar qəbul etməlidir. İşlə bağlı vətəndaş rayonun Məşğulluq Mərkəzinə, sosial durumuyla bağlı isə Əmək və Əhalinin Sosial Müdafiəsi Nazirliyinə rəsmi müraciət etməlidir. O da bildirilib ki, karantinin ilk vaxtlarında vətəndaşa dəfələrlə ərzaq yardımı olunub.
Çərəkə kəndinin icra nümayəndəsindən deyilənlərə münasibət öyrənmək mümkün olmayıb.

Evin vəziyyəti
Mənbə: Meydan Tv

Digər xəbərlər

“İcra nümayəndəsi yoldaşıma deyib ki, dilənçi kimi yardım istəyirsiz”

“Erməni separatçılarının başını əzsək də, Bakıdakı düşmənlərimizə əsir düşdük” - II Qarabağ müharibəsi qazisindən Mehiban Əliyevaya ŞOK MÜRACİƏT

Naxçıvan Səhiyyə Nazirliyində həbslər - Nazri Samiq Sadıxovun da həbs olunacağı gözlənilir İDDİA

“NAZİR İSLAHATLARIN NƏTİCƏSİNDƏN DANIŞIR, ANCAQ...” - Sabiq deputat sensasiyalı faktları açıqladı

General oğluna yüksək vəzifə verildi

“ƏRDOĞANIN PLANI UKRAYNAYA ORDU YERİTMƏKDİR” – “Putini məcbur edəcəklər”

“Prokurorluq nazirin cərimələrlə bağlı iddiasını araşdırmalıdır”

Böyük şəbəkələr necə "pambıqla baş kəsir"? - Araşdırma

Müştəri "Gilan"ın istehsal etdiyi "Natura" şirəsi almağına peşman oldu

Məmurlar varlanır, uşaqpulu 1 manat artırılır - Gələcəyin əsgəri üçün...

Rusiya azərbaycanlı iş adamının oğlunun qəzasından danışır — VİDEO

Ərdoğan: “Biz İsraillə münasibətləri tamamilə kəsdik”

OSMANOVUN VƏZİFƏSİ GƏNC GENERALA TAPŞIRILIB - Tanınmış şəxsin oğludur + FOTO

“Dırnaqları çəkilib, ağzı cırılıb, bud nahiyəsi deşik-deşik...“

Ukrayna ilk dəfə Rusiyanı uzaqmənzilli raketlərlə vurub

Aqil Abbasın oğlu rəis vəzifəsindən azad edildi

VUR Moskvanı!!! Qoca Bayden bir gecədə niyə fikrini dəyişdi və Trampı bir günə müharibəni dayandırmağa qoymadı? - Gizlinlər..

ABŞ-ın ATACMS raketlərinə dair siyasət dəyişikliyi Ukrayna münaqişəsində yeni mərhələ işarə edir

7 məmur, iki sahibkarın istintaqı başa çatdı —2 milyona yaxın pul büdcədən yayındırılıb

Müştərilər ən çox bu banklardan şikayət edirlər – Siyahı

Ərazi Tikinti Planlaşdırma Mərkəzinin tender maxinasiyalarının baş “qəhrəmanı”: “Dollar Cavid”

“Turan Bank” vətəndaşın başına oyun açıb

Orduda 143 milyonluq yeyinti ilə bağlı cinayət işi: generalın istintaqı yekunlaşdı

' Dövlətin dərmanları qara yollarla apteklərə verilir'

Qazaxda icra başçısını tənqid edən bələdiyyə sədrinin müavini psixiatriya xəstəxanasına salınıb

Gömrükdəki İDXAL MONOPOLİYASI... - BELƏ DAVAM EDƏRSƏ...

Bakıda klinikada qəssabxana açıldı — AQTA işə qarışdı

“Şaurma N 1″ restoranının şəriki Aqil Babayevin işində DTX araşdırması!

LAVROV TRAMPIN PLANINA “YOX” DEDİ - “Bu, Minsk razılaşmasından da pis olacaq”

Suraxanı məmurları Adil Əliyevin adını şəhid ailəsinin torpağını dağıtmaqda hallandırır

"Kərə yağını 14-15 manat olanda birtəhər alıb yeyirdik. Amma indi bu qiymətə ancaq marqarin var."