Milyarder Bill Qeyts koronavirusdan qorunmaq üçün üç peyvəndin lazım olacağına inanır.
Publika.az xəbər verir ki, “Microsoft”un qurucusu bunu yeni ştamların meydana çıxması və dünyada aktiv yayılması ilə əlaqələndirib.
“Üçüncü dozaya və ya dəyişdirilmiş peyvəndə ehtiyacımız olub-olmaması hazırda müzakirə olunan əsas məsələlərdəndir. ABŞ-da peyvənd hazırlayan beş şirkətin hamısı belə bir modifikasiyanı və iki doza qəbul etmiş insanlara üçüncü inyeksiyanın vurulacağını istisna etmir. Koronavirus məhv edilməzsə, gələcəkdə əlavə peyvəndlər tələb oluna bilər”, - Qeyts CBS-yə verdiyi müsahibədə deyib.
Qeyd edək ki, B.Qeyts “AstraZeneca”, “Johnson & Johnson” və “Novavax” peyvəndlərinin koronavirusun daha yoluxucu ştamlarına qarşı nə qədər təsirli olduğunu müəyyənləşdirmək üçün Cənubi Afrikada aparılan tədqiqatları maliyyələşdirir.
Aytən Məftun