Rusiya Prezidenti Vladimir Putinin şəxsi həyatı zaman-zaman müzakirəyə çıxarılsa da, dəqiq kimsə bir məlumat vermir. 

Ancaq Putinin  gimnast Alina Kabayeva ilə münasibəti və bu münasibətdən hətta övladlarının olduğu deyilir.  

Cebhe.info Dailymail.co.uk-a istinadən yazır ki, cütlüyün iki oğlu var.

Doğuşda iştirak edən qadınla əlaqəli olan mənbənin bildirdiyinə görə, ilk oğlan 2015-ci ildə ən ciddi təhlükəsizlik şəraitində İsveçrədə dünyaya gəlib.

İsveçrənin “Sonntagszeitung” qəzetinin araşdırmasına görə, Putinin ikinci oğlu 2019-cu ildə Moskvada doğulub. Həmin mütəxəssis uşağın doğuluşunda iştirak etmək üçün Rusiyaya uçub.

Bu il 70 yaşı tamam olan Rusiya lideri Putin Olimpiya çempionu, hazırda 38 yaşı olan Kabayeva ilə 2007-ci ildən münasibətdədir, ancaq tərəflər bunu qəti inkar edib.

Bu gün açıqlanan yeni məlumatın mənbəyinin Kabayevanın yaxşın dostu olduğu güman edilir. O, mama-ginekoloqu da tanıyır. Bu, adı açıqlanmayan sovet əsilli həkimdir, Putini otuz ildən artıqdır tanıyır və Rusiyadan mühacirət etdikdən sonra uzun müddətdir ki, İsveçrə vətəndaşıdır.

Qəzet yazıb: “Mənbəmiz açıq şəkildə deyir: “Alinanın Putinlə münasibəti olub. İki oğlu Putinin övladlarıdır. Alinanın başqa münasibəti yox idi. Bu, onun üçün çox təhlükəli olardı”.

İlk uşağın doğulduğu İsveçrənin italyandilli Ticino bölgəsindəki “Sant Anna” klinikasında işləyən qadın həkimin “Putinlə etibarlı münasibəti” olduğu yazılır.

O, qəzetə “Siz hər şeyi gizli saxlamalı idiniz”, - deyib.

2015-ci ildə yayılan şayiələrin əksinə olaraq, Putin doğuşda iştirak etməyib. Hətta o zaman Kreml yayılan bu məlumatları təkzib edib. Mənbənin sözlərinə görə, Putin və Kabayevanın İsveçrədə yalnız bir övladı dünyaya gəlib. İkinci övladının Moskvada dünyaya gəlməsi Putinin qərarı olub. 

Eyni rus immiqrantı, isveçrəli mama-ginekoloq 2019-cu ildə Moskvada ikinci oğlanın dünyaya gəlməsində də həkim kimi iştirak edib. 

Doğuşdan əvvəl Kabayeva bir neçə dəfə gizli şəkildə Luqanoya gedib. Mənbə Kabayevanı “çox xoş bir qadın” kimi xarakterizə edib:
“O, əsl idmançıdır. O, anası və bacısı ilə gəlib, amma cangüdənsiz”. 

Buna baxmayaraq, doğumun üzərindəki sir pərdəsi hələ də götürülməyib. 

Kabayeva 2007-ci ildə Putinlə münasibətə başlamazdan əvvəl də bir neçə dəfə İsveçrəyə gedib. O, 1999-2008-ci illərdə “Longines Watch” səfiri olub.

Bu yaxınlarda onun və iki azyaşlı uşaqlarının İsveçrədə dağ evində gizləndiyi barədə məlumatlar yayılıb. Ancaq on gün əvvəl, yəni dörd ay diqqət mərkəzində olmadıqdan sonra gözlənilmədən Moskvada görünüb. Niyə gəldiyi məlum deyil.

Kabayevanın Putinə çox yaxın olan oliqarx, 69 yaşlı Gennadi Timçenkonun Cenevrədəki iqamətgahında vaxt keçirdiyinə dair xəbərlər də var. Timçenkonun nümayəndələri “Sunday” qəzetinə şərh verməkdən imtina ediblər. İsveçrənin hökumət rəsmiləri deyirlər ki, Kabayevanın bu yaxınlarda ölkədə olduğuna dair heç bir sübut yoxdur.

Kabayevanın yeni görünüşü də rusları heyrətə gətirib. Onun bu yaxınlarda estetik əməliyyat keçirməsi ilə bağlı şayiələr dolaşır. “Cosmopolitan” yazır ki,  Kabayevanın simasında həqiqətən nəyinsə dəyişdiyi deyilir və əlavə edilirki, əfsanəvi idmançı nəzərəçarpacaq dərəcədə gözəlləşib. Hətta “Telegram” kanalları onun və Putinin eyni plastik cərrahın xidmətindən istifadə etdiyinə eyham vurub.

Beləliklə, Alina Kabaeva ölkənin ən sirli və gizli qadınlarından biridir. Gimnast demək olar ki, ictimaiyyət arasında görünmür, sosial şəbəkələrdə yoxdur, onu küçədə və ya ticarət mərkəzlərində təsadüfən də olsa, görmək mümkün deyil.

Şayiələr cütlüyü ilk dəfə 2008-ci ildə sevgili edib. Kabayeva Kremlpərəst deputat olanda Putinlə əlaqəsinə dair xəbərlər yayılıb. Ancaq bunu yazan mətbuat tezliklə bağlanıb.

2013-cü ildə həyat yoldaşı, keçmiş “Aeroflot” stüardessası Lyudmila ilə boşandığını elan edən Putin “Mənim şəxsi həyatım var, ona müdaxiləyə icazə vermirəm. Buna hörmət etmək lazımdır”, - deməklə diqqətləri üzərinə çəkib.

Kabayeva o zamanlar rəsmi olaraq “çox sevdiyi” bir insanla görüşdüyünü bildirib və deyib: “Bəzən özünü elə xoşbəxt hiss edirsən ki, hətta qorxursan”. Ancaq söhbətin kimdən getdiyini açıqlamayıb. Sonralar isə bu barədə birdəfəlik susub.

Xatırladaq ki, 2001-ci ildə Kabayeva dopinq testindən keçə bilmədiyi üçün bədii gimnastikadan müvəqqəti olaraq kənarlaşdırılıb. Halbuki 2000 Yay Olimpiya Oyunlarında qızıl medal qazanmışdı.

Kabayeva bir vaxtlar Rusiyanın ən çox qibtə olunan qadını hesab edilirdi. Onun yeganə sevgilisi evli gürcü polisi olub. Bu münasibət 2005-ci ildə sona çatıb. Kabayeva Maksimə az qala çılpaq pozalar verib və fotoqraf onu "seksual qadın" adlandırıb.

Hətta o zamanlar Kabayevanın nişan üzüyü taxdığı deyilirdi, ancaq bunu göstərən bircə foto ortada yoxdur.

Kabayevanın bahalı əyləncələri var. Onun “Maybach” limuzinləri parkı var. Moskvada bir kafeyə baş çəkərkən obyektin hətta pulemyotlu mühafizəçilər dəstəsi tərəfindən mühasirəyə alındığı bildirilir.

Bir çox ruslar Kabayevanı Putinin iki yetkin qızının anası, 63 yaşlı keçmiş birinci xanım Lyudmila ilə evliliyinin dağılmasına səbəb kimi görürlər. Ancaq Lyudmila da bu barədə danışmır və Putindən ayrıldıqdan sonra özündən xeyli gənc sevgilisi ilə zaman keçirir.

Xəzər
Cebhe.info