Krım Paris kimi təslim edilib

“Nə qədər qəribə səslənsə də, təəssüflənərək bildirməliyəm ki, Krımda bir atəş belə açmadan oranı təslim etdik”. Bu sözləri Ukraynanın prezidentliyinə namizəd olan Renat Kuzmin yerli saytlardan birinə müsahibə verərkən söyləyib. Onun sözlərinə görə, Krımı geri qaytarmaq olar, çünki siyasətdə mümkün olmayan heç nə yoxdur: “Bu barədə çox şey demək olar ki, Krımı geri qaytaracağıq və s. Lakin geri qaytaracağıqsa, Krımı niyə əldən verdik?! Verilən şeyi ancaq geri almaq olar. Siyasətdə isə mümkün olmayan bir şey yoxdur. Krım bizim əlimizdən çıxdığı kimi yenidən qayıda bilər. Lakin müəyyən şərtlər çərçivəsində”.