Dünyada qlobal istiləşmə Yer atmosferində böyük miqdarda enerji saxlayır. Son 50 il ərzində planet təxminən 25 milyard atom bombası ekvivalentində enejini özünə cəlb edib.

Cebhe.info bu barədə “Earth System Science Data” jurnalına istinadən yazır. Məlumata görə, 1971-2020-ci illər arasında qlobal istiləşmə fonunda toplanan enerjinin ümumi miqdarı 380 zettaoule ilə ifadə edilir - bu, 380 və ardınca 21 sıfır deməkdir. 

Qlobal istiləşmənin təsiri adi gözlə hiss olunur. Amma alimlər konkret rəqəmlərlə işləyirlər. Adi insanlar üçün belə riyaziyyat az şey deyir, ona görə də iki Avstraliya universitetinin - Melburn və Yeni Cənubi Uelsin iqlimşünasları bu məlumatları hər kəsin anlayacağı  formada veriblər. 

Baş verənlər belədir: 380 zettajoul 1945-ci ildə amerikalıların Yaponiyanın Xirosimaya atdığı atom bombasının partlaması nəticəsində ayrılan bütün enerjidən təxminən 25 milyard dəfə çoxdur.

Daha da qorxulusu odur ki, bu rəqəm ümumi istixana qazlarının təxminən 60%-ni təşkil edir, çünki istiliyin bir hissəsi hələ də atmosferin daha yüksək təbəqələrinə axır.

Yer üzündə isə temperaturun dəyişməsi daha yüksək ola bilər. Ancaq bütün enerjinin təxminən 89% -i okeanlar və digər su obyektləri tərəfindən udulurdu. Cəmi 6%-i quruya düşdü. İstiliyin daha 4%-i kriosferin qismən əriməsinə, yəni yerin qar və buz ehtiyatlarına, o cümlədən əbədi buzlaqlara, aysberqlərə, dağ buzlaqlarına və s.-ə sərf edilib. Nəticədə artıq enerjinin yalnız bir faizi “asılıb”.

Xəzər
Cebhe.info