Şimali Makedoniyanın paytaxtı Skopyedə ATƏT-in nazirlər toplantısı çərçivəsində Ermənistan və Rusiya xarici işlər nazirləri Ararat Mirzoyan və Sergey Lavrovun görüşü keçirilib.

“AzPolitika.info” xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova danışıqları əks etdirən fotonu öz “Telegram kanalında yayımlayıb.

Rusiyanın “İnterfaks” agentliyinin məlumatına görə, görüş bağlı qapılar arxasında keçirilib.

Ermənistan XİN-in məlumatında deyilir ki, xarici işlər naziri Ararat Mirzoyan bir daha Rusiya tərəfinə Rusiya ilə bağlı siyasət, ikitərəfli və regional gündəmlər üzrə atılan addımlarla bağlı İrəvanın mövqelərini təqdim edib.

“AzPolitika.info”