Salyanda ahıl ər-arvadı öldürdülər

Salyan rayonunda dəhşətli qətl törədilib.
Yerli polis şöbəsindən APA-ya verilən məlumata görə, hadisə rayonun Kürqaraqaşlı kəndində qeydə alınıb.

Kənd sakinləri, 1939-cu il təvəllüdlü Zəkulla Nəzər oğlu Rəcəbov və onun həyat yoldaşı, 1940-cı il təvəllüdlü Gülnarə Emrul qızı Rəcəbovanın yaşadıqları evdə qətlə yetirilmiş meyitləri tapılıb.

Hadisənin kimin tərəfindən və hansı məqsədlə törədildiyi hələlik məlum deyil.

Faktla bağlı cinayət işi başlanıb, araşdırmalar davam etdirilir.