Arda: "Messi və Ronaldo kimi ola bilmərəm, amma..."

"Messi və Ronaldo kimi ola bilmərəm, amma onlara qarşı yaxşı mübarizə aparıram. Belə bir potensiala sahibəm. 27 yaşım var və 31 yaşına qədər daha da yaxşı olmağa çalışacam. Daha çox qol vura bilərəm, amma mən hər zaman komandamı düşünürəm".

Bu sözləri "Atletiko"nun futbolçusu Arda Turan "Lig TV"ə açıqlamasında deyib.

Türk yarımmüdafiəçi bildirib ki, yaxşı formada olmasının səbəbkarı baş məşqçisi Dieqo Simeonedir:

"Onunla bəzən baxışlarımızla bir-birimizi anlayırıq. Məni bu gün azarkeşlər bəyənirsə, bu, Simeone sayəsindədir".

Hər zaman start heyətdə olmamasının səbəblərindən də bəhs edən Arda çox yorulmaması üçün Simeonenin belə qərarlar verdiyini söyləyib.