"Çelsi" Dieqo Kostayla razılığa gəldi

"Çelsi" "Atletiko"nun futbolçusu Dieqo Kostanın transferi üçün Madrid klubu ilə razılığa gəlib.

Çempionlar Liqasının yarımfinalında London klubunun La Liqa təmsilçisinə məğlub olmasından sonra hər iki klubun nümayəndələrinin görüşü keçirilib. Görüş zamanı 42.4 milyon avro təzminatla Kostanın "Çelsi"yə keçməsi ilə bağlı razılıq əldə olunub.

Ümumilikdə isə Premyer Liqa klubuna bu transfer 91.4 milyon avro başa gələcək. Kosta ilə 5 illik müqavilə imzalayacaq "Çelsi" futbolçuya həftəlik 180 min avro ödəyəcək.

Qeyd edək ki, Kosta bu mövsüm 41 matçda 36 qol vurub.