Seymur Həziyə inanılmaz tələb: O, aclıq aksiyasına başladı

Sentyabrın 22-dəseymur hezi Sumqayıt Apelyasiya Məhkəməsində keçirilən prosesdən sonra “Azadlıq” qəzetinin siyasət şöbəsinin müdiri, “Azərbaycan saatı” televiziya proqramının aparıcısı Seymur Həziyə qarşı ciddi təzyiqlər başlayıb. Seymur Həzinin atasının “Azadlıq”a verdiyi məlumata görə, məhkəmə prosesindən sonra iki nəfər onun saxlandığı Şüvəlan təcridxanasına gələrək ondan 29 sentyabra təyin olunmuş məhkəmə prosesində son sözlə çıxış etməyəcəyinə dair yazılı təminat verməsini tələb ediblər. Lakin Seymur Həzi bu şəxslərin qanunsuz tələblərini rədd edib və təzyiqlərə etiraz olaraq dünəndən etibarən aclıq aksiyasına başlayıb.