Tural Abbaslının daha bir müşahidəçisi qovuldu

21 saylı Nəsimi seçki dairəsində axşam saatlarında müşahidəçilərin məntəqələrdən çıxarılmaları prosesi sürətlənib. Xüsusilə namizəd Tural Abbaslının müşahidəçiləri bir-birinin ardından məntəqələrdən zorla çıxarılırlar. 3 saylı məntəqədə bu hal yaşanıb. Maqsud Maqsudlu seçki saxtakarlığına etiraz etdiyi üçün məntəqə sədrinin göstərişi ilə polislər onu zorla çıxarıblar.

Qeyd edək ki, gün ərzində T.Abbaslının 5 nəfər müşahidəçisi məntəqədən qovulub. Hətta, müşahidəçi İlkin Əliyev polisə aparılıb, iki saatdan sonra sərbəst buraxılmışdı.


Cavanşir ABBASLI
Musavat.com