Ermənistan ordusunun məğlubiyyəti… Paşinyanın xalqa sonuncu müraciəti - TƏCİLİ

Azərbaycan Ordusunun Dağlıq Qarabağda uğurlu əks hücumu Ermənistan ordusunun əhəmiyyətli qüvvələrinin məğlubiyyətinə səbəb olub. Ermənistan və Qarabağ separatçıları liderləri hər gün vətənpərvər bəyanatlar verir və "erməni soyqırımının təkrarlanmaması" üçün könüllüləri orduya yazılmağa çağırırlar.
Ancaq nə vətənpərvər şüarlar, nə də xaotik medal və qəhrəman adları bölgüsü ermənilər arasında hərbi ruhu yüksəldə bilmir. Ermənistan ordusu ruh düşkünlüyünə məruz qalır və əsgərlər cəbhə bölgəsinə getməkdən imtina edərək Azərbaycan pilotsuz təyyarələrinin hədəfinə çevrilirlər.
Ermənistanın hərbi-siyasi rəhbərliyi əsgər toplanması ilə bağlı kəskin bir problemlə üzləşib. Ermənistanın Baş naziri Nikol Paşinyan tərəfindən elan edilən ölkə sərhədlərinin ümumi səfərbərliyi və bağlanması bu problemi həll edə bilmir, erməni gəncləri bədnam "Artsax" və erməni hərbçilərinin növbəti avantürası üçün canlarını qurban vermək istəmirlər.

Bu dəqiqələrdə Nikol Paşinyan panika  yaradan açıqlama ilə çıxış edərək,  son bir ildə tərxis olunmuş hərbi qulluqçular üçün ümumi çağırış elan edib.
“Mən son bir ildə tərxis olunan əsgərlərdən orduya qayıtmalarını xahiş edirəm. Bütün bunları çox sayda insanın olmaması üçün təşkil edəcəyik. Bu səbəbdən də sizdən Çarbaxda toplama məntəqəsi ilə əlaqə saxlamağınızı xahiş edirəm. Hərbi forması olanlardan da onları mərkəzi hərbi qeydiyyata götürmələrini xahiş edirəm”,  - Paşinyan canlı yayımda deyib.
Ermənistanın qanunlarına əsasən, il ərzində tərxis olunmuş erməni əsgərləri ümumi hərbi xidmətə getmir və zorla cəbhəyə göndərilə bilməzlər. Nikol Paşinyanın pafoslu müraciəti Ermənistan ordusundakı vəziyyətin tamamilə acınacaqlı hala gəldiyinə dəlalət edir və buna görə də Ermənistan hakimiyyəti qanunları pozaraq cəbhəyə son çağırışçıları səfərbər etməyə qərar verib...
Virtualaz.org