Sizin Reklam Burada
Tel: 050 378-66-61 E-mail: [email protected]

İcra başçısı iki məmuru” günah keçisi” edib, bacanağı isə – Yeni detallar

3-06-2020, 09:54   
 

Şirvan şəhəri son günlər iki hadisə ilə gündəmdədir: icra başçısı İlqar Abbasovun bacanağına vəzifə verməsi və şəhərdə jurnalist həbsləri…
Məlum olur ki, sabiq İH başçısı Mərdan Camalovun rəhbərliyi dövründə Şirvanda inkişaf getməsə də, şəhərin adı bu cür ardıcıl olaraq qalmaqallı proseslərlə diqqət mərkəzinə gəlmirdi.
Reportyor.info xəbər verir ki, lakin Şirvanın başçısı İlqar Abbasov təyin olunduğu vaxtdan adı dillərdən düşmür.
İH rəhbərinin adı pandemiya dövründə məhz Şirvanda üç jurnalistin həbsində çəkilir. Bu da hakimiyyətin siyasətinə ziddiyyət təkil edir.
İ.Abbasovdan fərqli olaraq, M.Camalovun dönəmində media nümayəndələrinin Şirvanda müstəqil çəkiliş aparmasına mane olmayıblar.
Suraxanıdan Şirvana eyni posta transfer olunan İ.Abbasov isə gəldiyi gündən şəhərdə tənqidçi mediaya “gün verilib, işıq verilmir”.
Son olaraq Çarx TV əməkdaşı İsmayıl İslamoğlu guya kimisə təhqir etməsi ittihamı ilə 15 sutka həbsə göndərilib. Bütün bunlar isə islahatlar dövrü ilə ayaqlaşmır və icra başçısının adına müsbət divident gətirmir.
İkinci hadisə İlqar Abbasovun əmri ilə Yolçuyev Etibar Səlim oğlunun özünə köməkçisi təyin edilməsidir.
E.Yolçuyev başçının bacanağıdır və Suraxanı RİH-də müavini olub. Sanki Şirvanda kadr tapılmır və başçı bacanağının yüksək potensialından istifadə etmək qərarına gəlir.
Ümumiyyətlə, icra başçısı məsul vəzifələrə öz tanışlarını təyin etməklə məşğuldur. Şirvanlılar isə kənarda saxlanılır və bu da narazılıq yaradır.
Məsələn, başçının bacanağı Daşqın adlı birini Şirvana gətirib. Bu şəxs qanunsuz tikililərə nəzarət edir, icra nümayəndəliyinə kuratorluq edir.
Eyni zamanda Novruz adlı biri Şirvanda “JEK”in baş mühəndisi təyin edilib.
Reportyor.info-ya gələn xəbərlərə görə, İ.Abbasovun əməlləri bununla tükənmir. İddialar var ki, icra başçısı Şirvanın Hacıqəhrəmanlı icra nümayəndəsini və şəhər icra nümayəndəsini “günah keçisi” edib.
O, öz qanunsuz işlərini sığortalamaq naminə icra nümayəndələrini qurban seçərək onları istintaqın pəncəsinə təhvil verməkdədir.
İddialar səslənir ki, hər iki icra nümayəndəsi barədə mənimsəmə faktı ilə cinayət işi açılması gözlənilir. İcra başçısı isə onları qurban verməklə özünü təmizə çıxarmağa can atır.
REPORTYOR.info
Facebook-da paylaş
Digər xəbərlər
Xəbərlər
Bütün xəbərlər
Ən çox oxunanlar